سپریم کورٹ کا اورنج لائن پر کام دوبارہ شروع کرنے کا حکم

SHARE

سپریم کورٹ کا اورنج لائن پر کام دوبارہ شروع کرنے کا حکم

لاہورتصویر کے کاپی رائٹ
Awon Ali

سپریم کورٹ کے پانچ رکنی بینچ نے اورنج لائن ٹرین کا منصوبہ روکنے سے متعلق لاہور ہائی کورٹ کا فیصلہ کالعدم قرار دیتے ہوئے پنجاب حکومت کو اس منصوبے کو جاری رکھنے کا حکم دیا ہے۔

عدالت نے اس بارے میں 31 شرائط بھی رکھی ہیں جن میں تاریخی عمارتوں کی حفاظت کے لیے دس کروڑ روپے مختص کرنے کے ساتھ ساتھ ایک وسیع البنیاد کمیٹی بھی قائم کرنے کا حکم دیا ہے جس میں محکمہ آثار قدیمہ کے علاوہ متعلقہ محکموں کے حکام اور ایک ریٹائرڈ جج بھی شامل ہوں گے۔

اورنج لائن میٹرو: گاڑی پٹڑی پر چڑھ پائے گی؟

عدالت کے فیصلے کے مطابق یہ کمیٹی ایک سال کے لیے بنائی جائے گی۔

نامہ نگار شہزاد ملک کے مطابق جسٹس اعجاز افضل کی سربراہی میں سپریم کورٹ کے پانچ رکنی بینچ نے لاہور ہائی کورٹ کے فیصلے کے خلاف پنجاب حکومت کی درخواست پر فیصلہ محفوظ کیا تھا۔

تصویر کے کاپی رائٹ
AFP

لاہور ہائی کورٹ نے گذشتہ اپریل میں سنائے جانے والے فیصلے میں لاہور شہر کے 12 مقامات، جن میں شالیمار باغ، چوبرجی، ریلوے سٹیشن وغیرہ شامل ہیں، کے بارے میں حکم دیا تھا کہ جن علاقوں میں تاریخی عمارتیں موجود ہیں وہاں کام روک دیا جائے۔

لاہور ہائی کورٹ کے اس حکم کے خلاف پنجاب حکومت نے سپریم کورٹ میں اپیل دائر کی تھی۔

اطلاعات کے مطابق اورنج ٹرین منصوبے پر 70 فیصد سے زائد تعمیراتی کام ہو چکا ہے جبکہ الیکٹریکل اور میکینکل کام ابھی 25 فیصد تک مکمل ہوئے ہیں۔

فیصلہ سنائے جانے کے کچھ دیر بعد وزیر اعلیٰ پنجاب شہباز شریف نے اپنی ٹویٹ میں اس فیصلے کی تائید کرتے ہوئے مبارک باد کا پیغام دیا اور کہا کہ اس فیصلے سے ’عوام کی جیت ہوئی ہے۔‘

TAGS:

TheMeanBlog

Pakistani News

Urdu News

Latest News

Leave a Reply